कुसुमे रुमाल-२ (डिभिडी/भिसिडी)

गोपीकृष्ण मुभिजले निर्माण गरेको चलचित्र 'कुसुमे रुमाल-२' सिनेमा हलमा गएर हेर्न नभ्याएकाहरूलाई लक्षित गर्दै घरमै बसेर हेर्न मिल्ने संस्करण गत बुधबारदेखि विश्वव्यापी रूपमा सार्वजनिक भएको छ । नेपाल तथा विदेशमा बसोबास गर्ने नेपालीहरूका लागि यो चलचित्रको भिसिडी तथा डिभिडी संस्करण बजारमा ल्याइएको हो । साप्ताहिकको समेत सहभागिता रहेको यो चलचित्रको निर्देशन निरक पौडेल गरेका हुन् । चलचित्रलाई हाइटेक इन्टरटेन्मेन्टले भिसिडी तथा डिभिडीका रूपमा बजारमा ल्याएको हो । हाइटेकले विदेशमा निर्माण गरेको डिभिडी तथा भिसिडी बजारमा उपलब्ध गराएको जनाएको छ । नीरज बराल, रुबी भट्टराई, उषा रजक, तृप्ति नाट्कर आदि कलाकारले मुख्य भूमिका निर्वाह गरेको यो चलचित्रका गीतमा संगीतकार शम्भुजित बासकोटाका छोरा सौर्यजित बासकोटाको संगीत तथा उदित नारायणका छोरी आदित्य नारायणको स्वर सुन्न सकिन्छ । युवापुस्ताका दर्शकलाई लक्षित गरिएको यो चलचित्रले व्यावसायिक सफलता हासिल गरिसकेको छ । ठ्याक्कै एक वर्षअघि विश्वव्यापी रू पमा सार्वजनिक भएको यो चलचित्रको घरमै बसेर हेर्न मिल्ने संस्करण दसैंतिहारको छुट्टी बिताउने राम्रो उपाय हुन सक्ने यसका वितरकहरूको दाबी छ । From: Saptahik