यस साता भिडिरहेका चार चलचित्र जिवन पराजुलि २०६७ भाद्र २७
पछिल्लो समयमा अत्याधिक चर्चामा रहेका चार चलचित्र शुक्रवारदेखि प्रदर्शनमा आएका छन् । नरेश पौडेलको ‘दिपशिखा’, उकेश दाहालको ‘पलपलमा’, दिपक श्रेष्ठको ‘हिम्मत-२’ र राधेश्याम राई तथा सरिता ढुंगानाको ‘सिन्दुर’ राजधानी तथा मोफसलबाट प्रदर्शनमा आएका हुन् ।
मोफसलका ४२ वटा हलमा प्रदर्शन भईरहेको ‘सिन्दुर’ नारी प्रधान चलचित्र हो, जसलाई तीजको अवसर पारेर प्रदर्शन गरिएको हो । विवाहिता नारीको सिन्दुरको महत्व दर्शाइएको यस चलचित्रमा बिराज भट्ट, तृप्ति नाडकर, जेनिशा के.सि., स्नेहा शर्मा लगाएतका कलाकारहरुको मूख्य भुमिका रहेको छ ।
नायिका अरुणिमा लम्सालको लेखन तथा नरेश पौडेलको निर्माण तथा निर्देशनमा बनेको चलचित्र ‘दिपशिखा’को राजधानी लगाएत देशका प्रमुख शहरहरुमा प्रदर्शन भईरहेको छ । त्र�
सेन्सर बोर्डले ‘एडल्ट’ फिल्मको सर्टिफिकेट दिएको चलचित्र ‘पलपलमा’ पनि शुक्रबार देखि नै प्रदर्शनमा आएको छ । उकेश दाहालको निर्माण तथा निर्देशन रहेको यस चलचित्रको प्रिमियर भने गरिएन । कलाकारहरु सम्पर्कमा नभएको प्रिमियर नगरिएको दाहाले बताए । यसै चलचित्र मार्फत डेब्यू गरेकी नायिका सुजाता सिटौला, शशि खड्का, नायकहरु दिलिप रायमाझि, रमित ढुंगाना लगाएतका कलाकारहरुले ‘पलपलमा’मा मूख्य भुमिका निभाएका छन् ।
कुकुरको दोहोरो भुमिका समेटिएको चलचित्र ‘हिम्मत-२’ पनि शुक्रबारदेखि नै प्रदर्शनमा आएको छ । दिपक श्रेष्ठको निर्माण तथा निर्देशन रहेको सो चलचित्र यस अघि रेखा थापाले निर्माण गरेको चलचित्र ‘हिम्मत’को सिक्वेलमा बनेको हो । थुप्रै चलचित्रहरुमा जनावरहरुको भुमिकामा निर्देशन गरिसकेका श्रेष्ठले यस चलचित्रमा पनि निरन्तरता भंग गरेनन् । From: Best Cyber Zone
0 प्रतिकृया/हरु:
Post a Comment
कमेन्ट गर्दा कृपया सभ्य भाषा मात्र प्रयोग गर्नुहोला ।