रोयल्टी भनेको कलाकारको अधिकार हो। नेपाल टेलिभिजन र रेडियो नेपालमा गीतको विज्ञापन एक प्रतिशत दिने कुरा भएको थियो। त्यो व्यवहारमा लागु भइसकेको छैन। अधिकांश सर्जकलाई थाहा नभएकोले रोेयल्टी संकलनमा समस्या आएको हो। नेपाली रेडियो र एफएमले हिन्दी गीतको भन्दा नेपाली संगीतको प्रोत्साहन गर्नुपर्छ। रोयल्टी दिने चलन सुरु भएपछि गुणस्तरीय गीतले प्राथमिकता पाउनेछ। धेरै दिन सकिँदैन भने थोरै दिए हुन्छ। तर सर्जकको सिर्जनालाई सित्तै प्रयोग नगरौं।
स्वरूपराज आचार्य, गायकअन्तर्राष्ट्रिय स्तरमा रोयल्टीलाई सर्जकको अधिकार भनिए पनि नेपालमा कतिलाई यसबारे जानकारी छैन। कुनै रेडियोले मेरो गीत बजाउँछ भने मैले त्यसबापत केही पाउनै पर्छ। धेरै नदिए पनि केही दिए रामै हुन्छ। सायद यो कुरा पनि पूरा हुन्छ भन्ने आशा राख्नुपर्छ। सर्जकलाई सम्मान गर्ने योभन्दा राम्रो माध्यम अरू हुँदैन होला।
एड्रियन प्रधान, गायकपछिल्लो समय नेपाली संगीतमा क्रान्ति आएको छ। जसले गर्दा रोयल्टीबारे सबैजना जागरुक भएका छन्। अब रोयल्टी सम्बन्धी कानुनकै आवश्यकता परेकोले त्यसको प्रक्रिया पनि सुरु भएको छ। यसले नेपाली संगीतको स्तर निर्माणमा राम्रो वातावरण तयार हुनेछ। आफूले सिर्जना गरेको कुराबाट केही आम्दानी हुन्छ भने, सकारात्मक नै हो। यसबारे रेडियो र एफएमहरूले पनि सोच्नै पर्छ। आफूचाहिँ कार्यक्रम बजाएर पैसा कमाउने तर सर्जकले चाहिँ केही नपाउने हो भने राम्रो सन्देश जाँदैन।
साभार: नागरिक न्युज
0 प्रतिकृया/हरु:
Post a Comment
कमेन्ट गर्दा कृपया सभ्य भाषा मात्र प्रयोग गर्नुहोला ।