स्मृति ढुंगाना, काठमाडौं, साउन ५ - गायिका मौसमी गुरूङ् आफ्नो तेस्रो एल्बमलाई रिलिज गर्ने तयारीमा जुटेकी छिन्। भदौको पहिलो साता 'महसुस' नामक तेस्रो एल्वम सार्वजनिक गर्ने उनको योजना छ।
पप शैलीलाई उनले यसपटक परिवर्तन गरेकी छिन् उनले। 'अहिले लोक रोमान्टिक गीतमा जोड दिएकी छु ,' तथापि आफ्नोपनको निरन्तरता भने यो एल्बममा पनि पाइने उनको दाबी छ। उनलाई चिनाउने गीत 'परेली मै छौ कि कसो'लाई यो एल्वममा फाष्ट ट्रयाकमा रिमेक गरेको उनले जानकारी दिइन्।
'स्टेजमा फास्ट गीत चल्ने हुँदा आफ्नै पुरानो गीतलाई रिमेक गरेँ,' उनले कारण खुलाइन्। धेरै कलाकारले आफ्नो म्युजिक कम्पनी खोलिरहेको बेलामा उनी पनि आफ्नै कम्पनीमार्फत एल्वम रिलिज गर्ने तयारीमा छिन्। उनले अध्यापन कार्यलाई निरन्तरता दिइरहेकी छिन्।
एल्वममा अनिल स्थापित, सोहन मानन्धर, जेम्स प्रधान, मदन जि.सी, लक्ष्मी लिम्बु र अनुसिलले गीत रचना गरेका छन्। कल्याण सिंह, जेम्स प्रधान, विनोद खुम्बु र फुर्वा शेर्पाले संगीत दिएका छन्।
- नागरिक न्युज
0 प्रतिकृया/हरु:
Post a Comment
कमेन्ट गर्दा कृपया सभ्य भाषा मात्र प्रयोग गर्नुहोला ।