पाश्र्वगायनका नम्बर एक गायक राजेश पायल राई अब नायक बन्ने भएका छन् । करिब २ सय ५० चलचित्रमा गीत गाइसकेका गायक राईले एकै पटक तीनवटा चलचित्रमा नायकका रूपमा अभिनय गर्ने अवसर पाएका हुन् । चलचित्र गायनमा पहिलो रोजाइका यी गायकको अभिनययात्राले उनलाई कति साथ देला, त्यो त भविष्यमै थाहा पाइनेछ, तर एकैपटक तीनवटा चलचित्रमा काम गर्ने अवसर पाउनुलाई भने राम्रै उपलब्धि मान्न सकिन्छ । 'शारीरिक दृष्टिकोणले हिरोका लागि म एकदमै फिट छु भन्दिनँ,' दर्शन नमस्ते गीतका गायक राईले साप्ताहिकसँग भने- 'तर आफ्नो नायकीय छविलाई दर्शकमाझ स्थापित गर्न मेरो अथक मेहनतले काम गर्ने विश्वास लिएको छु ।' नायक बन्ने भएपछि आजभोलि राजेश अभिनय, नृत्य कतथा द्वन्द्वको अभ्यास गरिरहेका छन् । म्युजिक भिडियोका लागि गरेको अभिनयको अनुभवसँगै उनले चलचित्रमा अझ परिष्कृत अभिनय गर्ने बताए ।
दशैंअघि राई इज किङ गीतिसंग्रह श्रोतामाझ ल्याउने तयारी गरिरहेकै बखत राजेश गोकुल राईको निर्देशनमा निर्माण हुने रुद्राक्ष तथा उदय सुब्बाको निर्देशनमा निर्माण हुने लभ इन चाइना बोर्डरमा नायकका रूपमा अनुबन्ध भएका हुन् । राजेशले यी दुई चलचित्रमार्फत पृथक् कथामा काम गर्ने बताए । यस्तै राजेशको जीवन र किराँत संस्कृतिमा आधारित रहेर बजारमा आउन लागेको उनको गीतिसंग्रह 'राई इज किङ' कै शीर्षकमा पनि चलचित्र निर्माण हुने भएको छ । उक्त चलचित्रमा पनि राजेश नै नायक हुनेछन् । आरडीए फिल्म रिसर्चको ब्यानरमा बन्न लागेको चलचित्र राई इज किङको कथा राजन मुकारुङले लेखेका हुन् जसको निर्देशन राम गुरुङले गर्दैछन् । From: Saptahik
0 प्रतिकृया/हरु:
Post a Comment
कमेन्ट गर्दा कृपया सभ्य भाषा मात्र प्रयोग गर्नुहोला ।