चलचित्र 'सम्बन्ध' मा सानो भूमिकामा देखिएकी झापा, शान्तिनगर, बर्नेकी हेमा ढुंगेल -२२) ले त्यसपछि धेरै ठाउँमा काम गर्ने अवसर पाइन् । दीपक लिम्बूको गीत 'पलपल', नेत्र कार्कीको 'आधी रातमा' लगायत दर्जनौं म्युजिक भिडियोमा काम गर्ने अवसर पाएकी हेमाले 'क्षितिजपारिको मायालु' शीर्षकको चलचित्रमा मुख्य नायिका हुने अवसर पाएकी छिन् । हेमा भन्छिन्, 'काम गर्दै जाँदा अवसरहरू पाइँदो रहेछ ।'
करिब ३ वर्षदेखि मोडलिङमा करियर बनाउने तरखर गरिरहेकी हेमा मोडलिङ र फिल्म क्षेत्रलाई सँगसँगै लाने विचारमा छिन् । दुवै क्षेत्र उस्तै-उस्तै भएकाले पनि खासै गार्हो नहुने उनको अनुमान छ । कक्षा १२ सम्मको पढाइ सिध्याएकी हेमा मोडलिङमा ग्ल्यामर आवश्यक रहेको बताउँछिन् । 'यो क्षेत्र भनेकै त्यस्तै हो', उनले भनिन् । उनले कथाले मागे जति अंग प्रदर्शन गर्न तयार रहेको बताइन् । हेमा आफूलाई बुझ्न सक्ने साथीको खाँचो रहेको बताउँछिन् । करिब ५ फुट ५ फिट अग्ली हेमाले केही समयअघि साइवर नेपाल डटकमका लागि आकर्षक फोटोसेसन गरेकी थिइन् । मोडलिङ एवं फिल्म क्षेत्रमै जीवन बिताउने उनको लक्ष्य छ । From: Saptahik
0 प्रतिकृया/हरु:
Post a Comment
कमेन्ट गर्दा कृपया सभ्य भाषा मात्र प्रयोग गर्नुहोला ।